Tag Archive for: Hospital San Juan de Dios de Santurtzi

San Joan Jainkoarena Ospitaleak 14.675 kg elikagai banatu zizkien 2024an Santurtziko 200 lagun baino gehiagori

/by

Bizkaiko Elikagaien Bankuak, Santurtziko Udalak eta Santurtziko San Joan Jainkoarena Ospitaleak Gizarte Bazterketako Arriskuan Dauden Pertsonei eta Baliabiderik gabeko Familiei Elikadura Laguntza Emateko Programaren barruan, osasun zentro horrek 14.675 kg elikagai banatu zituen 2024an, hilean 1.223, batez beste. Aurreko urteetan baino kopuru txikiagoa da, Europako Batasunak sustatutako aldaketaren ondorioz; izan ere, elikagaiak zuzenean emateari uztea bultzatzen du, eta zeharkako prestazio sistema batera pasatzen da, diru-zorro txartelaren bidez. «Sistema horrek normalizazioa, pertsonen autodeterminazioa, eta beren eskubideak eta duintasuna betetzen direla bermatzen ditu».

Iraide Sesmero ospitaleko gizarte langile eta Boluntariotza arloko koordinatzaileak dioenez, «diru-zorro txartela sartzeak aurrerapen nabarmena ekarri du familiei laguntzeko dugun moduan. Kontua ez da soilik elikagaiak jasotzea, baizik eta beste edozein pertsonak bezala haiek aukeratu ahal izatea. Eta horrek eragin emozional handia du».

San Joan Jainkoarena Ospitaleko banaketa zentroaren onuradun izan ziren familiak, batez beste, 77 izan ziren 2024an; pertsona onuradunak, berriz, 233 izan ziren guztira, eta urteko batez bestekoa 210,6 izan zen. Horietatik, guztizkoaren % 16,5 lagun 12 urtetik beherako haurrak izan ziren, eta % 83,5 helduak.

Produktu motaren arabera gehien banatu zirenak honakoak izan ziren: esnekiak (% 26,5 eta 3.916 kg), izoztuak eta kontserbak (% 15,1 eta 2.211 kg), arroza (% 13,5 eta 1.983 kg) eta gozogintzako eta aurrez prestatutako elikagaiak (% 8,7 eta 1.279 eta 1.272 kg, hurrenez hurren).

Santurtziko Udaleko koordinazio sailak emandako zerrendetan erregistratutako pertsonaren identifikazio dokumentuaren arabera, % 39,9 migratzaile agiriduntzat har daiteke, eta gainerako % 60,1ek Espainiako estatuko agiriduna. Bestalde, %24,3k gizonezko izena zuen eta %75,7k emakumezkoa.

Iraide Sesmerok azpimarratu duenez, programaren helburua ez da soilik berehalako beharrak asetzea, baizik eta familiei euren bizi baldintzak modu egonkorrean hobetzen laguntzea. «Gure desiorik handiena da programa hau, gero eta gehiago, familien bizi baldintzak benetan hobetzeko trantsizio tresna izatea. Une zailetan aldi baterako babes puntu gisa balio dezala, baina laneratzea, etxebizitza duina edo osasuna sustatzen duten beste baliabide batzuekin lotuta egon dadila, pertsonak zaurgarritasun egoeratik modu egonkorrean atera ahal izan daitezen».

Era berean, Ospitaleak laguntza eman zuen udaberrian eta udazkenean Elikagai Bankuen Espainiako Federazioak elikagaiak biltzeko maiatzean eta azaroan antolatutako kanpainetan.

Arropa eta jostailuak emateko kanpaina

Elikagaien laguntza emateko ekitaldia aprobetxatuz, uztailean eta abenduan arropa jarri zen onuradunen eskura, batez ere haur eta gazteen arropa, eta abenduan jostailuak ere bai. Kanpaina horiek harrera ona dute, eta horrek beste behar material, emozional eta sozial batzuk asetzen laguntzen du, San Joan Jainkoarenako langileen, boluntarioen, lagunen eta anaien elkartasunari eta laguntzari esker.

Elkartasun Arloa

Mariano Bernabé Anaiak, San Joan Jainkoarena Ospitaleko Anaien Komunitateko nagusiak, azaltzen du elkartasun arloa «ospitale barruko zein kanpoko pertsonak artatzen dituen zerbitzu gisa egituratzen dela, bai eta gure karisma joanjainkoarenatarraren elementu bereizgarri gisa ere. Elkartasuna hasieratik dago presente Ospitale Ordenan, eta gaur egun Espainiako San Joan Jainkoarena probintzian antolatzen da eremu hauen bitartez: Nazioarteko Lankidetza, Gizarte Ekintza, Sentsibilizazioa eta Boluntariotza.

Garapenerako nazioarteko lankidetza: New Kru Town

Santurtziko San Joan Jainkoarena Ospitaleko Elkartasun Arloaren 2024ko Memorian jasotzen dira, halaber, garapenerako bere lankidetza proiektu nagusiari dagozkion magnitudeak. Proiektu hori Monroviako (Liberia) New Kru Town osasun zentroarekin egiten du. 2024an New Kru Town auzoko 60 emakumeren ahalduntze ekonomikorako programarekin jarraitzea eta emakume horien baliabideen gaineko aukerak, sarbidea eta kontrola areagotzea izan zen helburua.

New Kru Townen proiektua posible da pertsona askoren laguntzari esker, bai zentroko langileak, bai boluntarioak, eta baita San Joan Jainkoarenako lagunen ekarpenei esker. Ospitaleak, alde batetik, diru ekarpena egiten du, eta, bestetik, langileek beren lanaldian lankidetza horretan parte har dezaten bultzatzen du. Artisau Merkatu Solidarioa da proiekturako funtsak lortzeko jarduerarik garrantzitsuena. Santurtziko San Joan Jainkoarena Ospitaleko langileek antolatutako ekimena da, eta bertan boluntarioek zein Ospitalearen Lagunen Sareak oso aktiboki parte hartzen dute. Artisau Merkatu Solidarioa San Joan Jainkoarenaren lagun guztien helburu komuna ere bada, esperientzia partekaturako aukera, batasun loturak eta ospitaleko familiako kide izatearen sentimendua eskaintzen dituena.

2024an egindako beste jarduera batzuekin batera, hala nola Liburu Solidarioaren Udaberriko eta Udazkeneko Azokak, Gabonetako Loteriaren eta Gabonetako Saskiaren partaidetzen salmenta, eta, lehen aldiz, Gabonetako Artisau Merkatua, Ospitalearen Mendeurrenaren programaren barruan egindako elkartasun ekitaldiekin batera, 2024an Nazioarteko Lankidetzarako 20.300 euro lortu ziren guztira Santurtzin.

Sentsibilizazio proiektuak

Santurtziko San Joan Jainkoarena Ospitaleak garatzen dituen sentsibilizazio programen helburua da gaixotasun aurreratuak dituzten pertsonen zaintzaileei laguntza eta gaitasunak eskaintzea, haien bizi kalitatea hobetzeko. Era berean, boluntariotzako erakundeei eta elkarteei gogoeta eginarazten diete, pertsona haientzako komunitate zaintzaileen (errukitsuen) testuinguruak sortzeko, bai eta tokiko komunitatearen arazoez kontzientziatzeko ere, beste leku eta pertsona batzuen beharrak behatzeko, eta behar horiek nazioarteko lankidetzaren bidez arintzen laguntzeko.

Aipagarria da ‘Santurtzi, Herri Zaintzaile-Comunidad Cuidadora’ izeneko proiektua. Proiektu horren helburuak honako hauek dira: eztabaidarako guneak sortzea, bakarkako eta entitate eta erakunde bakoitzeko hausnarketa sustatzea, parte hartze soziala sustatzea, erakundeei eta boluntarioei laguntzea, hiltzeko prozesuaren aurrean jarrera aldaketa sustatzea eta pertsona eta familia ahulenei laguntzea, eta beste eremu batzuetara heda daitekeen proiektu aitzindari bat bultzatzea. 2024an komunitatea sentsibilizatzeko 11 ekintza egin ziren.

Urteko beste ekimen bat podcast sorta bat egitea izan zen, Zainketa Aringarrien Unitateko erizain taldeak sustatua, “Mugan bizitzen” izenekoa, zainketa aringarriak ikusarazteko helburuarekin egina.

Era berean, nabarmentzekoa da Ospitaleak #EducaSJD programaren barruan harremana duen hiru ikastetxeekin duen lankidetza, honakoak hain zuzen: Portugaleteko Santa María Ikastetxea, La Mennais eta Nuestra Señora del Carmen Ikastetxea eta Santurtziko San José Carmelitas Ikastetxea. #EducaSJD sentsibilizaziorako hezkuntza programa bat da, eta bere helburua da gazteek kolektibo ahulenekiko duten kontzientzia areagotzea eta bazterkeria arriskuan dauden pertsonen estigmaren aurka borrokatzea.

2024an areagotu egin zen tokiko komunitatearekiko lankidetza, Ospitalearen euskarri profesionala inguruko elkarte edo erakundeei eskaintzeko, prebenitzeko eta pertsonen osasuna (integrala) hobetzeko ekintzak egiteko.

Boluntariotza

Santurtziko San Joan Jainkoarena Ospitaleak garrantzi handia ematen dio boluntarioen integrazioari. Boluntarioen presentzia lotuta dago pertsona gaixoari eta haren familiari eskainitako arretaren giza kalitatearekin. 2023ko abenduan ospitalean aktibo zeuden boluntarioen kopurua 46koa izan zen, COVID-19aren pandemia igarota datu basea eguneratu ondoren. Boluntarioen batez besteko adina 65,25 urtekoa izan zen.

Boluntarioen lanari esker giza harremanetarako energia gehiago lortzen da, eta, beraz, kalitatezkoa; guztira, 4.094 ordu eskaintzen dira hainbat arlotan. Hala, laguntza jarduerak egin zituen: 2.280, (% 55,7%); lankidetzazko laguntza hainbat jardueratan:  1.281 (% 31,3); harrera: 330 (% 8,1); eta prestakuntza 203 (% 5,0).

Ospitaleko Misio Partekatuko taldea Arespalditzan bildu zen

/by

Joan den urriaren 17an, Santurtziko San Joan Jainkoarena Ospitaleko Misio Partekatuko talde lokala elkartu ginen Arespalditzan (Araba). Han bildu ginen anaiak, langileak eta boluntarioak. Elkarrekin, ‘Buruak eta bihotzak lotzen’ lelopean jardunaldi bat partekatu genuen.

Elkartzeko, hausnartzeko eta geure buruak zaintzeko eguna izan zen. Gure ospitaleko Misio Partekatuko talde lokaleko kideok elkar hobeto ezagutzeko eta harremanak estutzeko aukera ere izan genuen.

Bileran San Joan Jainkoarenaren bizitzari buruzko dokumental bat ikusi genuen eta ondoren solasaldi bat izan genuen. Misio partekatuaren buletinari ere ahotsa jarri genion, San Joan Jainkoarenaren Espainiako probintziako beste zentro batzuetako tokiko taldeak zertan ari diren ezagutaraziz.

Ondoren binakako talde dinamika bat egin genuen, bizitzak egun batean San Joan Jainkoarena Ospitalera zergatik eraman gintuen, eta hemen zergatik jarraitzen dugun gogoratzeko.

Aurten egin ditugun jarduera guztien errepasoa egin genuen eta 2026rako erronkei buruz hitz egin genuen. Bazkaltzeko ordua iritsi zenean, anaitasunezko bazkaria egin genuen eta eguna amaitu baino lehen “laztanen postontzia” ireki genuen, egunean zehar betetzen joan ginena.

Eskerrik asko guztioi zuen presentziagatik eta misio partekatuaren lekuko biziak izateagatik.

Miriam Oliver
Zainketa Aringarrietako etxez etxeko laguntza taldeko erizaina
Misio Partekatuaren erreferentea

 

El pasado 17 de octubre, el grupo local de Misión Compartida del Hospital se reunió en Respaldiza (Álava). Allí nos congregamos hermanos, trabajadores y voluntarios. Juntos, compartimos una jornada bajo el lema ‘Conectando mentes y corazones’.

Fue un día de encuentro, de reflexión y de autocuidado. También tuvimos la oportunidad de conocernos mejor los miembros del grupo local de Misión Compartida de nuestro hospital y de estrechar vínculos.

Durante la reunión, vimos un documental sobre la vida de San Juan de Dios y tuvimos un coloquio después. También pusimos voz al boletín de misión compartida, dando a conocer qué están haciendo los grupos locales de otros centros de la provincia de San Juan de Dios España.

Posteriormente, llevamos a cabo una dinámica de grupo por parejas en la que recordamos por qué la vida nos llevó un día al Hospital de San Juan de Dios y por qué seguimos aquí.

Hicimos un repaso de todas las actividades que hemos realizado este año y hablamos de los retos para 2026. Llegada la hora de comer, compartimos un almuerzo fraternal y antes de concluir la jornada abrimos “el buzón de caricias”, que fuimos llenando durante el día.

Gracias a todos por vuestra presencia y por ser testigos vivos de la misión compartida.

Miriam Oliver

Enfermera del equipo de soporte domiciliario de Cuidados Paliativos

Referente de Misión Compartida

 

Santurtziko San Joan Jainkoarena Ospitaleak APDISAren alde antolatutako CuidarNos martxa solidarioaren arrakasta

/by

Duela gutxi egin da Santurtziko San Joan Jainkoarena Ospitalearen I. Martxa Solidarioa CuidarNos Eguna ospatzeko (ongizate integralerako barne programa ofizialki martxan jartzeko ekitaldia), eta arrakasta handia izan zuen. 400 pertsona inguru ibili ziren Santurtziko kaleetan zehar, Santurtziko Pertsona Ezinduen Elkartea (APDISA) onuradun duen ekimen batean.

Herriko ia auzo guztietatik igaro zen elkartasun martxaren ibilbidean Karmele Tubilla Santurtziko alkatea eta Ixone Andreu Gizarte Ekintzako zinegotzia izan ziren.

Adin eta egoera fisiko guztietako jendea bildu zuen ekintzak. Irteera eta helmuga Santurtziko San Joan Jainkoarena Ospitalean izan ziren, eta handik bi ibilbide abiatu ziren: bata 5 km-koa, eta bestea 2,5 km-koa, egokitua. Izena eman zutenek motxila bat, kamiseta bat, ura eta zizka-mizkak jaso zituzten irteeran, eta jan-edanerako postu bat jarri zen ibilbidearen erdian, Gernika parkean.

Martxan Ospitaleko profesionalak, Mendekotasuna duten Helduen Desgaitasun Fisikoko Unitateko (UDFAD) erabiltzaileak, 40 boluntario baino gehiago, San Joan Jainkoarena Ospitaleko lagunen sareko kideak, APDISAko kideak, zentroko profesionalak, senideak eta Santurtziko herritarrak bildu ziren.

Maite García Izquierdo Ospitaleko Pertsonak eta Balioak saileko zuzendariak esan zuenez, «jardunaldi gogoangarria izan da, batez ere UDFADeko erabiltzaileentzat eta APDISAko bazkideentzat. Beraientzat eta martxan parte hartu dugun guztiontzat, oso berezia eta motibagarria izan da Santurtziko kaleetan era honetara paseatzea. Desgaitasunari eta harekin bizi diren pertsonei ikusgarritasuna emateko ere balio izan du, baita haien zaintzaileei ere. Baita, beste behin ere, boluntarioen lan garrantzitsua agerian uzteko ere».

«Gurekin topo egin duten pertsona askok ez zuten ezagutzen desgaitasun fisikoa duten pertsona helduei ematen diegun arreta, duela hamarkada batzuetatik hona gure egoitza unitatean egiten ari garena. Haientzat aurkikuntza bat izan da, eta, beste behin ere, Ospitaleak karisma joanjainkoarenatarra praktikara eramateko duen alderdi aniztasuna erakusten du», gaineratu zuen.

Ospitaleko profesional eta boluntario taldeari buruz, honako hau esan zuen: «ongizaterako eta autozainketarako unea izan da, norberarena eta komunitarioa, ekimen solidario eta, aldi berean, ludikoa; primeran pasatu genuen».

I Martxa Solidarioa egin ondoren, parte hartzaileek eta antolatzaileek txosna solidarioaz gozatu ahal izan zuten ospitalean bertan. Bertan, janaria, edaria, musika eta sorpresak izan ziren, hala nola erruleta eta ‘photocall’ solidarioak.

Antolakuntzak eskerrak espresuki eman nahi dizkie ekitaldia posible egin zuten pertsona eta erakunde guztiei: profesionalak, boluntarioak, San Joan Jainkoarena Ospitaleko lagunen sareko kideak, APDISAko bazkideak, Ospitaleko Mendekotasuna duten Helduen Desgaitasun Fisikoko Unitateko erabiltzaileak, Santurtziko Udala eta Santurtziko Udaltzaingoa, bai eta babesle guztiak ere: Fundación Benéfica Aguirre, Giroa-Veolia, Eurest, Coca-Cola, Grupo Ibaizabal, Caramés Farmazia eta Seguros Occident.

Lehen deialdi honek izan duen harrera bikaina dela eta, Ospitalearen borondatea da ekimenarekin jarraitzea eta urtero errepikatzea.

CuidarNos-i buruz

Santurtziko San Joan Jainkoarena Ospitaleak CuidarNos proiektua aurkeztu zuen apirilean. Pertsona eta Balioen Arloak eta Kudeatzailetzak bultzatutako ekimen estrategikoa da, eta zentroan lan egiten duten profesionalen ongizatea sustatzeko sortu da, horiek baitira egunero pazienteak eta egoiliarrak zaintzeko eta laguntzeko arduradunak.

Ia 300 langileko multzoa izanik, horietatik %75 emakumeak, CuidarNos-ek hiru zutabe nagusi ditu: osasun fisikoa, ongizate emozionala eta ohitura osasungarrien sustapena. Ikuspegi integral horri esker, garapen pertsonal eta profesionalean laguntzen zaiei langileei, eta, hala, osasuna hobeto babesten eta lan ingurune osasungarriagoa sortzen laguntzen da.

Proiektua abian jartzea inbertsio estrategikoa ere bada, Ospitalearen eta hori posible egiten duten pertsonen arteko konpromisoa indartzera bideratua. Halaber, espero da laguntza horrek eragin positiboa izatea langileen osasunean, proaktiboki artatzen baititu ekipoen eguneroko ongizateari eragiten dioten faktoreak.

CuidarNos modu naturalean lerrokatzen da San Joan Jainkoarena Ospitale Ordenaren misioarekin eta balioekin, bere asistentzia ereduaren ezaugarri diren abegi onarekin, errespetuarekin eta giza kalitatearekin duen konpromisoa sendotuz. Gainera, proiektu honek begirada jasangarria du, ekonomia zirkularrari eta zaintza partekatuaren kulturari lotutako praktiken aldeko apustua eginez.

 

El Hospital San Juan de Dios de Santurtzi presentó el pasado mes de abril su proyecto CuidarNos, una iniciativa estratégica impulsada desde su Área de Personas y Valores junto con la Gerencia, con el objetivo de promover el bienestar del equipo de profesionales que trabajan en el centro, responsables de cuidar y acompañar diariamente a pacientes y residentes.

Con una plantilla aproximada de 300 personas, de las que el 75% son mujeres, CuidarNos se estructura en torno a tres pilares clave: salud física, bienestar emocional y promoción de hábitos saludables. Este enfoque integral permite acompañar a las personas trabajadoras en su desarrollo personal y profesional, contribuyendo así a una mayor protección de su salud y a la creación de un entorno de trabajo más saludable.

La puesta en marcha del proyecto representa también una inversión estratégica, orientada a fortalecer el compromiso mutuo entre el Hospital y las personas que lo hacen posible. Asimismo, se espera que este acompañamiento tenga un impacto positivo en la mejora de la salud del personal, al atender de manera proactiva los factores que afectan al bienestar diario de los equipos.

CuidarNos se alinea de forma natural con la misión y los valores de la Orden Hospitalaria de San Juan de Dios, reforzando el compromiso con la hospitalidad, el respeto y la calidad humana que caracterizan su modelo asistencial. Además, este proyecto incorpora una mirada sostenible, apostando por prácticas vinculadas a la economía circular y a una cultura del cuidado compartido.

ETB-2k Ospitalearen mendeurrenari buruzko dokumentala emango du urriaren 4an

/by

Urriaren 4an, larunbata, 10:30ean (penintsulako ordua), “LOS PRIMEROS CIEN AÑOS” dokumentalaren emanaldiaz gozatzeko aukera izango dugu ETB2n (Santurtziko San Joan Jainkoarena Ospitalea 1924an sortu zenetik).

Arte zinematografikoaz eta giza konpromisoaz gozatzeko aukera paregabea da, Gaizka Urresti zuzendari eta ekoizle exekutiboak, Fernando Velázquez musikak, Ivan Miñambres ekoizle teknikoak eta Carlos Sobera ahots narratzaileak gure historiaren hain orrialde zirraragarria kontatzeko orduan erakutsi dutena.

Lagun gaitzazu larunbat honetan kontakizun zirraragarri hau berpizten.

 

Esther García-Abadillo Alonso gizarte langileak ‘Adinekoentzako estimulazio eta berraktibaziorako eskuliburu praktikoa’ kaleratu du

/by

Biztanleriaren zahartzea eta mendekotasuna dagoeneko gizarte eta osasun erronka handiak diren testuinguru honetan, ‘Manual práctico de estimulación y reactivación para adultos mayores’ (‘Adinekoentzako estimulazio eta berraktibaziorako eskuliburu praktikoa’) aurkezten da. Esther García-Abadillo Alonsok idatzi du, eta Santurtziko San Joan Jainkoarena Ospitaleko Hobeto Zaintzeko Institutuak argitaratu. Obra funtsezko tresna da beren denbora, ezagutza eta afektua adinekoei eskaintzen dietenentzat: arlo soziosanitarioko profesionalak, senideak eta espezializatu gabeko zaintzaileak.

Liburuak 78 orrialde ditu, eta Ramón Castejón García Anaiak maketatua izan da. Formatu digitalean argitaratu da eta doan deskarga daiteke Santurtziko San Joan Jainkoarena Ospitalearen web atariko  ‘Argitalpenak’ menutik.

Madrilgo Comillasko Pontifize Unibertsitatean Gizarte Lanean diplomatua eta Alemanian trebatua den egileak mendekotasun maila desberdinak dituzten adinekoei arreta ematen bai Espainian, bai Alemaniako lurretan izan duen bi hamarkada baino gehiagoko esperientzia profesionala islatzen du orrialde hauetan. Haren historia pertsonalak ere zeharkatzen du liburua: 2001ean garuneko iktus bat gainditu ondoren, García-Abadillok gerontologiara eta animazio soziokulturalera bideratu zuen bere ibilbidea, sinetsirik giza estimulazioak eta akonpainamenduak markatzen dutela adineko pertsonen bizi kalitatean dagoen aldea.

Gidaliburua gida praktiko, argi eta ulergarri gisa sortu da, eta egoitza zentroetan, eguneko zentroetan eta etxez etxeko arretan aplika daitezkeen teoria eta ariketak konbinatzen ditu. Bere kapituluetan zehar, irakurleak zaintzaren alderdi desberdinak biltzen dituzten jardueren proposamen oso bat ikus dezake:

Eguneko eta asteko programazioa. Obrak adibide zehatzak ditu, zaintza errutinak nola egituratu erakusten dutenak, segurtasuna, denbora orientazioa eta bizi zentzua emateko, egoitzetan zein etxeetan.

Estimulazio sentsoriala. Egileak ikusmena, entzumena, dastamena, ukimena eta usaimena lantzeko proposamen bereziak aurkezten ditu, oroitzapenak piztuz eta ingurunearekiko lotura erraztuz. Objektuen “kutxa misteriotsutik” hasita, sasoiko fruta dastatzeraino edo aromaterapia ariketetaraino, dinamika bakoitzak autonomiarako eta ongizaterako bideak irekitzea bilatzen du.

Musika jarduerak. Musikaren boterea baliabide terapeutiko pribilegiatu gisa aurkezten da testuan. Liburuan koruen, musika lehiaketen, gorputz perkusioen edo hainbat herrialdetan zehar egindako soinu bidaien ideiak biltzen dira, baita mugikortasun murriztua duten pertsonentzat edo gurpil aulkian doazenentzat egokitutako dantzak ere.

Gorputz jarduerak. Obran mugitzeko jolas eta ariketa errazak erakusten dira, hala nola “besosaskia” edo “jomugara tiro”, mugimendu bakoitzaren balioa, txikia izan arren, handitzen dutenak, autoestimua eta parte hartzea sustatuz.

Talde interkomunikazioa. Liburu berriak jorratzen duen beste alderdietako bat da: solasaldia akuilatu, errealitatearekiko kontaktua erraztu eta adineko pertsonaren dimentsio soziala indartzen duten kontakizun, irakurketa eta gogoetak.

Sormenezko jarduerak. Besteak beste, irudimena aktibatu eta lorpen zentzua sortzen duten eskulan tailerrak eta dinamika adierazkorrak biltzen dira.

Zainketa aringarrietan eta oheratuta daudenei laguntzea. Testuko atalik esanguratsuenetako bat da. Bertan hurbiltasunak, entzuteak eta laztanek bizitzaren amaieran duten garrantzia aldarrikatzen da. Arreta aringarriak heriotza baketsua ez ezik, azken unera arte bizitako bizitza ere bermatzen duela jasotzen du liburuak.

Jacinto Bátiz doktorearen hitzaurreak, Santurtziko San Joan Jainkoarena ospitaleko Hobeto Zaintzeko Institutuko zuzendariak, lan honen balio erantsia azpimarratzen du: «liburu hau harribitxi bat da. Ezinbesteko giza dimentsioa emanez osatzen ditu zaintzak. Irakurtzen bukatzen denean, garbi ikusten da horrelako akonpainamenduarekin pertsonek hobera egiten dutela».

Eskuliburuan zehar García-Abadillok benetako kasuak tartekatzen ditu, hala nola “García andrearena”. Alemaniar egoiliar honek, zentzumen eta afektibitate estimulazioko asteen ondoren, harremanetarako eta komunikaziorako gaitasun harrigarriak berreskuratu zituen. Istorio horiek erakusten dutenez, «muga fisiko edo kognitiboez harago, adinekoak bere identitatea, memoria emozionala eta bizitzaz gozatzeko gaitasuna gordetzen ditu, hurbileko eta errespetuzko arreta jasotzen badu».

Liburuan, gainera, terminoen glosario bat eta erreferentziazko bibliografia bat daude, eta, hala, tresna erabilgarriak dira, bai zaintzen hasten direnentzat, bai esku hartzeko programak indartu nahi dituzten talde profesionalentzat.

‘Adinekoentzako estimulazio eta berraktibaziorako eskuliburu praktikoa’ ez da soilik jarduera bilduma bat, baizik eta mendekotasunaren gaineko begirada eraldatzeko eta pertsona zaintzaren erdigunean jartzeko gonbidapena. Egunerokotasunaren, giza kontaktuaren eta sormenaren garrantzia arretaren zutabe gisa aldarrikatzen duen gida.

Liburu berriaren azala.

 

Esther García-Abadillo Alonso.

Zer da eskoliosia eta nola tratatu haurrengan eta helduengan

/by

Eskoliosia bizkarrezurraren alterazio bat da, eta aurrez aurre begiratzean “S” formako kurba bat edo gehiago izatea eragiten du, zuzen mantendu beharrean. Deformazio horrek mina eragin dezake eta mugikortasuna mugatu, batez ere adineko pertsonen kasuan.

Haur eta nerabeen eskoliosia arrazoi argirik gabe agertzen da, eta hasiera batean kortseen erabilerarekin heltzen zaio. Helburua hazkuntza gidatzea da, kurbadurak kirurgia behar duen puntu bateraino aurrera egin ez dezan. Helduen eskoliosia, berriz, ornoarteko artikulazioen eta diskoen higadura asimetrikoaren ondorio izaten da, eta horrek kurbak sortzen ditu bizkarraldean eta gerrialdean. Ezegonkortasun horrek mina eragin dezake bizkarrean eta hanketan.

Paziente helduetan, tratamenduak errehabilitazioa, infiltrazioak eta analgesia izan ditzake. Hala ere, kasu askotan, gaixotasunaren bilakaerak ebakuntza kirurgiko baten beharra ekar dezake, bizkarrezurraren lerrokadura berreskuratzeko eta finkatzeko, egonkortasuna hobetzeko eta mina murrizteko.

Victor Miguel doktoreak, Santurtziko San Joan Jainkaorena Ospitaleko bizkarrezurreko kirurgian adituak, eskoliosia zer den eta haurren zein helduen tratamendu-aukerei buruzko azalpen argia ematen du bideo honetan.

 

Berrikuntza teknologikoa zainketa aringarrien aliatu gisa

/by

Santurtziko San Joan Jainkoarena Ospitaleak tresna digitalen eta berrikuntza teknologikoen erabilera aztertzen du, zainketa aringarrietako pazienteen arreta hobetzeko.

Garatzen ari diren esperientzien artean, etxean bizi-konstanteak eta sintomak erregistratzen dituzten aplikazio mugikorren bidez geratzen diren pazienteen jarraipena dago. Datu horiek unitate zentral batera bidaltzen dira, eta horrek aukera ematen dio osasun-taldeari egoera baloratzeko eta, behar izanez gero, pazientearen etxera joateko, ospitaleratzeak saihestuz.

Beste ekimen berritzaile bat da errealitate birtualeko betaurrekoak erabiltzea ospitaleratutako pazienteentzat, jatorrizko lekura edo bisitatu ohi zituzten espazioetara itzuli ezin izango dutenentzat. Teknologia horren bidez, esperientzia eta ingurune esanguratsuak birbizi ditzakete, beren historia pertsonalaren parte diren bizipenetara hurbilduz.

Julio Gómez doktoreak, Santurtziko San Joan Jainkoarena Ospitaleko Zainketa Aringarrien Unitateko koordinatzaileak, bideo honetan, laguntza-etapa honetan pazienteei arreta hobea emateko teknologia berriek duten potentziala azaltzen digu.

 

 

 

El Hospital San Juan de Dios de explora el uso de herramientas digitales y la innovación tecnológica como aliada en los cuidados paliativos.

Entre las experiencias que se están desarrollando se encuentra el seguimiento de pacientes que permanecen en su domicilio mediante aplicaciones móviles que registran constantes vitales y síntomas. Estos datos se envían a una unidad central, lo que permite al equipo sanitario valorar la situación y, en caso necesario, desplazarse al hogar del paciente, evitando ingresos hospitalarios.

Otra innovación tecnológica como aliada en los cuidados paliativos es el uso de gafas de realidad virtual para pacientes ingresados que no podrán regresar a su lugar de origen o a los espacios que solían visitar. A través de esta tecnología, pueden revivir experiencias y entornos significativos, acercándoles a vivencias que forman parte de su historia personal.

Santurtziko San Joan Jainkoarena Ospitaleak Liberian 40 emakume gaitzen laguntzen du, emakumeak ahalduntzeko programaren bidez

/by

Santurtziko San Joan jainkoarena Ospitalearen eta Juan Ciudad GKEaren laguntza solidarioari esker, Monroviako (Liberia) New Kru Town barruti pobretuko 40 emakumek arrakasta handiz amaitu dute xaboia, parafina, kloroa eta oihalak tindatzeko teknikak (“tie and dye”) ekoizteko trebakuntza-programa. Monroviako San Jose Ospitale Katolikoak bultzatutako ekimenak egoera ahulean dauden emakumeen autonomia ekonomikoa hobetzea eta haien familien autosufizientzia bultzatzea du helburu.

Proiektua 2024ko abendutik 2025eko maiatzera bitartean garatu da, eta aurreko edizioetan izandako eragin positiboaren ondoren, Erkidegoaren eskaerari erantzun zuzena eman zaio. Sei hilabetez, parte-hartzaileek prestakuntza teorikoa eta praktikoa jaso dute, material egokiz hornitua eta tokiko hezitzaileekin batera. Prestakuntza amaitzean, emakume guztiek jaso dute negozio txiki propioak abian jartzeko ziurtagiria eta hasierako kapitala, eta horrek esku-hartzearen iraunkortasuna indartzen du.

Esperientziak aldaketa nabarmena eragin du onuradunengan, eta orain benetako tresnak dituzte diru-sarrerak sortzeko, independentzia irabazteko eta familiaren ongizatea hobetzeko. Gainera, auzoko gizarte-ehuna indartu du, eta lider komunitarioak, osasun-langileak eta prestatzaileak gizarte-inpaktu handiko lankidetza-prozesu batean inplikatu ditu.

Santurtziko San Joan Jainkoarena Ospitaleak, osasunarekin eta testuinguru ahuletako garapenarekin konprometitutako emaile gisa, programa honen emaitzak ospatzen ditu, pobrezia, genero-berdintasuna, osasuna eta enplegu duina desagerrarazten laguntzen duena. Tokiko agintariek babesa eman diote proiektuari, eta jarraitzeko eskatu dute, baita prestakuntzarako espazio iraunkor bat eraikita ere.

Esperientzia horrek erakusten du nazioarteko lankidetzak eta ekintza komunitarioak errealitateak eralda ditzaketela eta gehien behar dutenei etorkizunerako aukera berriak eskain diezazkieketela.

New Kru Towni buruz

New Kru Town komunitatea Monroviako behartsuenetako eta arretarik gabeko komunitateetako bat da, oinarrizko osasun-zerbitzurik ez dagoelako eta ingurumen-saneamendua oso eskasa delako. Horrek biztanleen edateko uraren kontsumoari eragiten dio. Urak har dezakeen eremua denez, leku konplexua bihurtzen da euri-garaian. Erkidegoko egoera ekonomiko kaskarra dela eta, enplegu-aukerarik gabe, biztanleek ezin dituzte ordaindu beren osasun-zerbitzuak, eta, beraz, ez dute ugalketa- eta haur-osasunari buruzko osasun-hezkuntza jasotzeko aukerarik, hitzaldi horiek maizago ematen baitira osasun-zentroetan. Bertako arrantzaleak eta nekazariak ere badira. Langabezia-maila altua da gazteen artean, eta gutxi batzuek baino ez dute lan egiten erakunde batzuetan. Herrialdea oraindik ez da osatu 2014-2015eko Ebolaren krisitik, ezta 2020ko COVID-19aren krisitik ere, osasun-sistemaren narriadura handiagoa eragin baitzuen, gainbeheran zegoen ekonomiarekin eta atzerriko enpresa asko beren kapitaletatik eta esperientziatik ateratzearekin. Egoera hori larriagotu egin da birusaren agerraldiaren ondorioz, munduko ekonomia guztiei eragin baitie.

Hornidura elektrikoa arazo larria da herrialdean. Horren arrazoi nagusia 1990eko hamarkadako gerra zibilean presa hidroelektrikoa suntsitu izana izan zen. Hala ere, berriki hobekuntza handia gertatu da hornidura elektrikoan. Hobekuntza horri eusten bazaio, biztanleek diru-sarrerak sortzen dituzten enpresa gehiagotan jardun ahal izango dute.

Udalerri hori hain da zaurgarria, non urak transmititutako edozein gaixotasunek, hala nola kolerak, elgorriak, beherakoak eta abarrek, eragin larria izango baitu biztanleengan, eta guztietan haurrak dira gehien sufritzen dutenak.

Ohiko ospitaleratzearen alternatiba: arreta medikoa etxean

/by

Etxeko ospitalizazioa ohiko ospitalizazioaren alternatiba eraginkor eta segurua izango da. Asistentzia-modalitate horri esker, hautatutako pazienteek beren etxean jaso ditzakete ospitale-ingurunean lortuko lituzketen zainketa mediko eta erizain berberak, intentsitate eta espezializazio berarekin.

Arreta mota hori egokia da familia- eta gizarte-ingurune egokia duten pertsonentzat, haien egoera klinikoak aukera ematen baitu jarraipen medikoa egiteko etxetik, haien segurtasuna arriskuan jarri gabe.

Onura klinikoez gain, etxeko ospitalizazioak pazientearen esperientzia hobetzen laguntzen du: ospitaleratuta egotearen deserosotasuna murrizten du, atsedena hobetzen du, intimitatea zaintzen du eta ospitaleratzearekin lotutako konplikazioak gutxitzen ditu, hala nola infekzio nosokomialak edo mugikortasun-galerak.

María González doktoreak, Santurtziko San Joan Jainkoarenaren Ospitaleko  Barne Medikuntzako  Zerbitzuko medikuak, bideo honetan azaltzen digu.

 

 

Getxoko Nazioarteko Tenis Txapelketaren edizio gogoangarria – Santurtziko San Joan Jainkoarena Ospitalea

/by

Joan den ekainaren 29an Getxoko Nazioarteko Tenis Txapelketaren edizio berri bat hasi zen Real Club Jolasetan, Santurtziko San Joan Jainkoarena Ospitalearen babesarekin. Bazkideek eta bisitariek gozatu ahal izan zuten zortzi egunetan. Txapelketa ekainaren 29tik uztailaren 6ra bitartean egin zen eta lehenengo hitzordua hasiera egunean izan zen, aurreko fasearekin.

Aurreko urteetan bezala, RC Jolaseta Getxok bi txapelketa bakarrean aurrera ateratzeko erronka ilusionagarriari aurre egin zion. Txapelketaren egunetan zehar klubeko instalazioetan gizonezkoen eta emakumezkoen txapelketak egin ziren aldi berean. Gainera, bi generoetan banakako zein binakako txapelketak jokatu ziren.

Bost kontinenteetatik iritsitako tenislariek egungo txapeldunak, Solana Sierra argentinarra eta Miguel Damas espainiarra, tronutik kentzea izan zuten helburu.

Txapelketaren ondoren, txapelketaren amaierarekin, Real Club Jolasetak agur esan zion Santurtziko San Juan de Dios Ospitalea-Getxoko Nazioarteko Tenis Txapelketaren edizio gogoangarri bati. Sophie Steurren koroa bikoitzak eta Miguel Damasek titulua berresteak dagoeneko ITF zirkuituko erreferente gisa finkatu den hitzordu baten ospea indartzen dute, hurrengo edizioetarako maila oso altua utziz.